16-26.01.2016
小地勤係香港最凍既子裡來到西班牙度蜜月 . 歐州 , 我來過好幾次 , 算是有經驗 . 從前跟朋友是窮遊 , 是趕行程 . 今次跟老公是閒遊 , 感覺每天好浪費 , 竟無所事事到讓時間白白流走 . 果然跟不同的人去旅行 , 係會有不同的體驗 .
我對足球沒有一點認識 , 也沒有一點興趣 , 卻黎到巴塞球場睇波 , 又去到皇馬球場食 Lunch .
我一直期待的正宗西班牙海鮮飯 , 原來卻不合我胃口 . 更沒想到每天可以坐係餐廳食飯 , 這是一向窮遊的我沒試過的大魚大肉 .
沒有行程 , 想去邊就去邊 , 點亂行都可以 , 每天橫街小巷亂咁走 .
無所事事到嚇白鴿 , 結果倒被嚇 ... 好驚呀 !
應該要去的景點沒有因為 "應該" 而去 , 不想再跟風 .
係香港 , 小地勤根本唔會停下來慢慢行公園 . 到去日本旅行 , 老公就有忙不完的事情 , 去親景點都吹我行快兩步 . 難得係歐州時間多到可以讓我浪費 , 感覺很好 .
難去的小鎮就放棄 , 搵唔到路就算數 . 只去容易去 , 不用腦的地方 .
今次的日記應該好快寫完 , 因為無野好寫 , 在歐州的每一天 , 都是訓 , 食 , 行街 ... ... 很輕鬆 , 很簡單 , 很開心 .
29.01.2016
2016 年的一月起 , 小地勤開始做文職工作 . 雖然間中都會要行下更 , 幫下手 , 但都係返九點既更份 , 不再好似以前咁又早又夜 , 有時仲要 Overnight .
每年年尾到年頭 , 我都會特別忙 , 忙住計糧 , 清單 , 做數 ... ... 今年亦一樣 . 仲要為即將開的貴賓室作準備 . 因為行文職更 , 唔洗出去對客 , 所以可以更專心地做好每件事 . 最開心係將拖左好奈既 Paper Work 做好曬 , 唔洗帶到過年 !
剛完成了西班牙之旅 , 之後都會補寫返出黎 ! 聽聞個排香港得 2 , 3 度 , 但出奇地西班牙有成 20 度 , 竟然會係歐洲避寒 , 真係估唔到 !
臨近過年 , 打工仔當然好期望份花紅早點出 . 做左依行咁多年 , 都真係第一年見到有航空公司花紅有 2 月 !! 航空公司好少有寫明 " 有雙糧 " , 以前我係 J 公司都一樣係無雙糧 , 只有年尾花紅 , 花紅一般都係 1 個月 .
就算一間公司賺到幾多都好 , 都好少話會分比同事 . 今年公司的確派過好多糖 ! 大 Delay 後都會請同事食 Cake , 杯麵及咖啡 . 周年紀念又派同事 3000 元慶祝 . 知道同事辛苦 , OT 一直保持 1.5 ... 以為今年市道唔好 , 出面講到好差好差 . 公司竟然派 2 個月 , 當然分數越高就越多 . 小地勤今年都分到 2 點幾的 , 真係好唔錯 .
難怪一出糧 , 同事就係 Facebook 洗版 . 今年真係可以 " 過肥年 " !!!
06.01.2016
小地勤由當地勤起 , 就開始學投資 . 老實講我對投資都係亂咁黎 . 不過 , 有投資點都好過正儲蓄 , 起碼有見到增長 .
我一直奉行 " 收息政策 " . 我的心水全是派息高達 5% 以上既銀行股 . 我係地勤依行打滾了第十個年頭 , 由當年的呀妹 , 做到今日既老 Pat Pat . 無論我人工加左幾多 , 我既洗費模式都無點樣既改變 .
古語有云 " 只要有恆心 , 鐵柱磨成針 " , 儲蓄係要有恆心 , 亦係致富既第一步 . 當然 , 如果閣下有富爸媽 , 的確贏在起跑線 . 沒背景 , 沒後台 , 就要認命 , 就要面對現實 . 付出勞力 , 來換取金錢 .
當年小地勤儲左成年 , 先儲到 3 萬蚊 . 開始買細價位既銀行股 , 由起初 3000 股 , 買下買下 , 再奉行 "賺到一日人工就收手 " , 滾下再儲下 , 買下又放下 , 輸價位就靠 " 食息 " . 咁就做左 8 年既小散户 .
作為一個精打細算既人 , 小地勤有本簿仔計數 . 以前個本金細 , 反而膽子大 , 覺得輸曬都只係幾萬蚊 , 因此唔會留個錢傍身 , 有幾多入幾多 . 手持既股票越來越多 . 現在人大了 , 真係沒有這個膽量 , 都開始擔心會失業 , 靠老公只保證有瓦遮頭 , 餓唔死我 , 但就無錢洗 .
媽媽教我 "收息政策" , 只要覺得合理 , 就買高息銀行股 , 唔會受市場影響 , 因為我唔係靠賺 "價位" , 而係靠 "食息". 2015年年中 , 小地勤都的確賺到少少 , 結果心雄就出事 ! 好彩都只係買左 HSBC , 當時我 70 蚊買左十幾首 , 花左我大部份積蓄 ! 不過 "食息" 就同佢鬥長命囉 !
以前我省吃儉用先一年儲 3 萬蚊 , 現在正收息 , 都差唔多 3 萬 . 計落的確唔錯 .
當地勤的確不容易 , 返工時間又差 , 搵錢又唔多 , 要靠 OT 跟津貼 ! 唯一好處係不用學歷 , 有平機票旅行 , 有醫療福利以及唔洗花錢買衫 . 最重要係多勞多得 .
做左 9 年既我 , 如果繼續每年加 4.5 % 人工 , 再 Keep 住現在既洗錢模式 , 一個月儲 8 千蚊的確無難度 . 一年十萬 , 做十年咪一百萬 ! 我成日都係咁樣諗 , 依個係我捱下去既其中一個動力 .
06.01.2016
新的一年 , 又準備出花紅了 !
今年公司評核機制改左 , 由以前上司佔 70% , 同事個人紀錄只佔 30% , 改到同事個人紀錄佔 7 成分數 , 而上司只佔 3 成 . 在新機制下 , 小地勤在個人紀錄中有 3 項 , 攞到 100 分 , 而加分位那一欄因為攞獎以及表揚信而再額外加分 , 10 分當中得到 8 分 . 係全 Team 人當中得分最高的同事 . 有史以來 , 第一次總分過 9 分 .
睇開小地勤日記的朋友 , 應該知道 , 9 分只會屬於要升職的同事 . 小地勤不會升職 , 所以每年分數都係尾 2 或尾 3 . 沒錯 , 對其他同事來說 , 我低分就可以成就她們 , 但對我來說 "不公平" . 公司改制後 , 根據客觀條件比分 , 無不良紀錄既小地勤 , 當然沒有扣分位 . 對好似小地勤依種沒後台 , 不埋堆既員工來說 , 係一大喜訊 !
最近 , 搭單參加了一個飯局 , 小地勤出發前一直洗自己腦 " 不要再做敢死隊 " . 小地勤係一個成日為同事發聲既人 , 每次發聲不是媒福利 , 就係直言那些同事做唔好拖累人 . 以前 , 我不怕做醜人 . 原因我沒機會升職 , 亦沒有家庭負擔 , 雖然我唔係大富大貴 , 但起碼同老公都有間屋 , 唔洗供樓又未有細路仔 , 我好願意為低層同事發聲 .
可惜 , 上年年尾 , 我禍從口出 , 為人出頭 , 成日直言 , 結果當然被評為 " 攪事之人 " . 對一個無欲無求 , 只想有份工 , 有機票 , 唔搵錢既我 , " 攪事 " 有何好處 ?
因此 , 出席飯局前 , 我都不停提自己 " 別理別人的事 " . 可是 , 當老闆問起時 , 我又做 " 敢死隊 " 了 . 小地勤係舊人 , 對比現今同事 , 我人工高佢地 6 千 , 機票多佢地 3 套 ... 我卻死去幫唔識既新同事爭取 5 套機票以及加人工 . 我真的是傻了 !
事後 , 我都覺得自己多口 , 何必為不認識既人發聲呢 ? 新的一年 , 我真係要好好學習如何當個點人做野 , 自己唔做既老 Pat Pat , 別管別人既事 , 不要再直言 , 就算明知別人做錯 , 也不要多事 .
我只想保住我辛苦得返黎既 "朝九晚六" , 閒事別理 . 做個自私的老 Pat Pat 吧 !
